Хуучин л мэдээ байх л даа. Гэхдээ сая л олж үзлээ. "Цагаан Хар Улаан" романы тухайт бичвэр тэргүүлсэн юм байна. Бичвэрт дурдагдсан, хил тогтоох үеэр самганыхаа өрөөсөн ээмгийг тэртээ хол урагшлуулж булаад Монгол Улсын хилийг 20 гаруй км урагшлуулж татуулсан авхаалжтай өвгөн бол бодтой хүн бөгөөд Ховд аймгийн Булган сумын өндөр настнуудын амнаас өөрийн чихээр олж сонссон хөдөлшгүй баримтат тэмдэглэл билээ.
Г.Аюурзанын Бурханы шашны болоод өмнөд монголчуудын тухай сэдвээр бичсэн роман. Уг номын талаар "Мэдээ" хэсэгт буйг үзнэ үү.
“Дэлхийн сонгомол өгүүллэг: Чехов-оос Хунот Диаз хүртэл” хэмээх энэхүү антолог нь орчин үеийн утга зохиолын хамгийн өргөн уншигддаг жанр болох өгүүллэгийн талаар мэргэжлийн түвшний ойлголт авахад зориулагдсан, ХХ зууны үгийн урлагийн сод төлөөлөгчдийн, судлаачдын хүрээнд өндрөөр үнэлэгдддэг өгүүллэгүүдийг хамарсан нэгэн боть болно. Сонгодог өгүүллэгийн хаад гэгддэг Чехов, О.Хэнри, Фолкнер, Набоков, Хэмингуэйгээс эхлээд өнөө цагийн постмодернизмын угтал болсон Жойс, Борхэс, Сартр, Жэксон, Кортасар, Карвэр, Сэлинжер, Маркес, XXI зууны гарамгай мастерууд Павич, Дёрри, Диаз, И Гуанчин, Мураками гээд үе үеийн олон шилдэг зохиолчдыг танилцуулснаараа хосгүй үнэ цэнтэй ном юм. Г.Аюурзана эдгээр бүтээлүүдийн орчуулах эрхийг зохиогчдоос нь албан ёсоор авч хэвлэсэн ажээ.
Хөгжүүлэгч: BAACHKA, Source: BaA4ka v2.5